pegasus spyware: 10 பிரதமர்கள், 3 அதிபர்கள்…! உலகத் தலைவர்களை வேவு பார்த்த பெகாசஸ்! திடுக்கிடும் தகவல்கள்! – macron-10-pms-and-king-on-list-of-targets-of-pegasus-software

ஹைலைட்ஸ்:

  • பூதாகரமாகும் பெகாசஸ் உளவு விவகாரம்
  • 10 பிரதமர்கள், 3 அதிபர்களின் செல் போன்கள் ஒட்டுக் கேட்பு

உலக நாடுகளை அச்சுறுத்தி வரும் பெகாசஸ் உளவு விவகாரத்தில் மேலும் பல திடுக்கிடும் தகவல்கள் வெளியாகியுள்ளன.

இஸ்ரேல் நாட்டின், என்.எஸ்.ஓ., நிறுவனம் தயாரித்த பெகாசஸ் என்ற மென் பொருள் மூலம், இந்தியாவில், எதிர்க்கட்சித் தலைவர்கள், பத்திரிகையாளர்கள் உட்பட 40 பேரின் மொபைல் போன் உரையாடல்கள் ஒட்டுக் கேட்கப்பட்டதாக தகவல்கள் வெளியாகின. இந்த விவகாரம் இந்தியா உட்பட உலகம் முழுவதும் கடும் அதிர்வலைகளை ஏற்படுத்தி உள்ளது.

காங்கிரஸ் முன்னாள் தலைவர் ராகுல் காந்தி, தேர்தல் திட்ட வகுப்பாளர் பிரசாந்த் கிஷோர், ஒன்றிய அமைச்சர் அஸ்வினி வைஷ்ணவ் உள்ளிட்ட முக்கிய பிரபலங்களின் மொபைல் போன்களும் ஒட்டுக் கேட்கப்பட்டுள்ளதாக தகவல்கள் வெளியாகி உள்ளன.
பூமியை நெருங்கும் ராட்சத எரிகல்… ஆபத்தை ஏற்படுத்துமா?
இந்நிலையில், இந்தியா மட்டுமின்றி, உலகத் தலைவர்கள் பலரையும் பெகாசஸ் மென் பொருள் உளவு பார்த்துள்ள தகவல் அதிர்ச்சியை ஏற்படுத்தி உள்ளது. பாகிஸ்தான் பிரதமர் இம்ரான் கான், பிரான்ஸ் நாட்டு அதிபர் இம்மானுவேல் மேக்ரான், ஒரு நாட்டின் மன்னர் உட்பட பலர் பெகாசஸ் மென் பொருள் மூலம் உளவு பார்க்கப்பட்டதாக தகவல்கள் வெளியாகி உள்ளன.

பிரான்ஸ் அதிபர் இம்மானுவேல் மேக்ரான் மற்றும் பிரான்ஸ் அமைச்சர்கள் உட்பட 15 பேர் உளவு பார்க்கப்பட்டதாகக் கூறப்படுகிறது. இந்த விவகாரம் குறித்து தனி விசாரணை நடத்த, பிரான்ஸ் அரசு உத்தரவிட்டுள்ளது.
ரோல்ஸ் ராய்ஸ் வழக்கு: நடிகர் விஜயின் மேல்முறையீடு மனு நாளை விசாரணை!
இதைத் தொடர்ந்து, ஈராக் அதிபர் பர்ஹாம் சாலிஹ் மற்றும் தென் ஆப்ரிக்க அதிபர் சிரில் ராம்போசா ஆகியோரும் பெகாசஸ் மென் பொருள் மூலம் உளவு பார்க்கப்பட்டதாக கூறப்படுகிறது. ஆனால், இவர்களின் செல்போன்கள் எப்படி இரையானது என்ற விவரம் தெரியவில்லை. பொது வெளியிலும், செய்தியாளர்கள் மூலமும், அரசு செய்திக் குறிப்புகளிலும் வெளியான செல்போன் எண்கள் மூலம், உலகத் தலைவர்கள் உளவு பார்க்கப்பட்டிருக்கலாம் என கூறப்படுகிறது.

நன்றி

Leave a Reply

%d bloggers like this: