Govt Staffs Salary Hike: அரசு ஊழியர்களுக்கு சம்பள உயர்வு – வெளியானது சூப்பர் அறிவிப்பு! – maharashtra government announced salary hike for msrtc employees

ஹைலைட்ஸ்:

  • போக்குவரத்து ஊழியர்களுக்கு சம்பள உயர்வு
  • வெளியானது ஜாக்பாட் அறிவிப்பு!

மஹாராஷ்டிர மாநிலத்தில், போக்குவரத்து கழக ஊழியர்களுக்கு சம்பள உயர்வு அறிவிக்கப்பட்டு உள்ளது.

மஹாராஷ்டிர மாநிலத்தில், முதலமைச்சர் உத்தவ் தாக்கரே தலைமையிலான சிவசேனா – தேசியவாத காங்கிரஸ் – காங்கிரஸ் ஆகிய கட்சிகளின் கூட்டணி ஆட்சி நடக்கிறது. இந்நிலையில், போக்குவரத்து கழகத்தில் ஊழியர்களுக்கு மாதந்தோறும் 10 ஆம் தேதிக்குள் சம்பளம் வழங்கப்பட வேண்டும். ஊதிய உயர்வு மற்றும் பணப் பற்றாக்குறை காரணமாக மாநகராட்சியை மாநில அரசுடன் இணைக்க வேண்டும் போன்ற கோரிக்கைகளை முன்னிறுத்தி, கடந்த அக்டோபர் மாதம் 28 ஆம் தேதி முதல் வேலை நிறுத்தப் போராட்டத்தை ஊழியர்கள் தொடங்கினர்.

இந்தப் போராட்டம் கடந்த 9 ஆம் தேதி முதல் தீவிரமடைந்து, போக்குவரத்து கழகத்தின் அனைத்து டிப்போக்களும் மூடப்பட்டன. இதற்கிடையே, இந்த விவகாரம் தொடர்பாக, முதலமைச்சர் உத்தவ் தாக்கரே, துணை முதலமைச்சர் அஜித் பவார் மற்றும் போக்குவரத்துத் துறை அமைச்சர் அனில் பரப் ஆகியோர் ஆலோசனை நடத்தினர்.

இதன் பின்னர், போக்குவரத்துத் துறை அமைச்சர் அனில் பரப் கூறியதாவது:
எம்.எஸ்.ஆர்.டி.சி., ஊழியர்களின் அகவிலைப்படி மற்றும் வீட்டு வாடகை கொடுப்பனவு ஏற்கனவே அரசு ஊழியர்களுக்கு இணையாக இருக்கிறது. தற்போது, ஓராண்டு முதல் பத்து ஆண்டுகள் வரை பணியில் இருக்கும் ஊழியர்களின் அடிப்படை சம்பளத்தை, 5,000 ரூபாய் உயர்த்த, அரசு முடிவு செய்துள்ளது.
மாணவர்களுக்கு குஷி நியூஸ் – பள்ளி, கல்லூரிகளுக்கு லீவு!
இதனால் அடிப்படை சம்பளம் மாதம் ரூ.12,080ல் இருந்து ரூ.17,395 ஆக உயரும். இந்த பிரிவில் உள்ள ஊழியர்கள் மிகக் குறைந்த சம்பளம் பெறுவதால் அவர்களது ஊதியம் ஏறக்குறைய 41 சதவீதம் அதிகரிக்கப்பட்டு உள்ளது. 10 முதல் 20 வருடங்கள் வரை சேவையில் இருப்பவர்களின் சம்பளம் 4,000 ரூபாயால் அதிகரிக்கப்பட்டதால் அவர்களின் அடிப்படை சம்பளம் 16,000 ரூபாயில் இருந்து 23,040 ரூபாயாக உயரும்.

17 வருடங்களுக்குப் பிறகு நிரம்பியது அரூர் பெரிய ஏரி!

20 ஆண்டுகள் மற்றும் அதற்கு மேல் சேவை முடித்த ஊழியர்களுக்கு அடிப்படை சம்பளம் ரூ.2,500 உயர்த்தப்பட்டு உள்ளது. போக்குவரத்து கழக வரலாற்றில் இதுவரை இல்லாத அளவிற்கு இது அதிகபட்ச உயர்வு. ஊழியர்களுக்கு மாதந்தோறும் 10 ஆம் தேதிக்குள் சம்பளம் வழங்கப்படும் என உறுதி அளிக்கப்படுகிறது. இதனால் மாநில அரசுக்கு மாதம் ரூ.60 கோடியும், ஆண்டுக்கு ரூ.750 கோடியும் அதிக சுமை ஏற்படும்.
இவ்வாறு அவர் கூறினார்.

நன்றி

Leave a Reply

%d bloggers like this: